శ్రీ రామచంద్ర దివ్య సన్నిధి 

ప్రకృతి నియమానుసారము మరియు కాలావసరమున మహాత్ములు ఈ లోకమున జన్మించెదరు. సమస్థ మానవ కోటిని నాస్తికవాదము, అజ్ఞానము మరియు చెడు ఆలోచనా ప్రవాహముతో  నిండిన వాతావరణమును శుభ్రపరచి సత్యతత్వ దర్శనము గావించుట కొరకు ఆ దివ్యశక్తి ఈ భూమిపై 2వ ఫిబ్రవరి 1873 న, మానవ రూపములో సమర్థ సద్గురువు మహాత్మ శ్రీ రామచంద్రజీ మహారాజ్ (లాలాజీ), ఫథేఘర్ నందు జన్మించిరి. ప్రాణాహుతి శక్తియొక్క ప్రసారముపై ఆధారపడిన రాజయోగమును, ఎన్నోశతాబ్దములు నుండి మరుగున పడిన యోగాభ్యాసమును, లాలాజీ గారి (1873-1931) ద్వారా పునర్జీవనము గావించబడినది .

 

ప్రపంచవ్యాప్తముగా, ఈ యోగ విద్యను ప్రచారము చేయుటకు వీరి ఉత్తరాధికారి మరియు ప్రతినిధి అయిన షాజహానాపుర వాస్తవ్యులైన

శ్రీ రామచంద్రజీ మహారాజ్ గారిచే (1899-1983), శ్రీ రామచంద్ర మిషన్ స్థాపించబడి, సహజ మార్గ పద్ధతి ద్వారా మానవ కోటి యొక్క ఆధ్యాత్మికోన్నతికి  పాటుబడడంజరిగినది.  

 

భగవత్ సాక్ష్యాత్కారము/ఆత్మసాక్ష్యాత్కారము పొందుటయే సహజమార్గముయొక్క ముఖ్య ఉద్దేశ్యము. కావున ప్రాపంచిక కోరికలను ఉద్ధేశ్యముగాకాక, మూల శక్తియైనటువంటి భగవంతుని సూక్ష్మ రీతిలో ధ్యానించి దైవ సాక్ష్యాత్కారమును  పొందుటయే ఏక మాత్ర ఉద్ధేశ్యము. 

 

శ్రీ బాబూజీ మహారాజ్ గారి ముఖ్య ఉద్ధేశ్యము అయినటువంటి ఆధ్యాత్మిక శిక్షణ నిచ్చుటకొరకు,  మానవులందరి ఆధ్యాత్మికోన్నతి గావించుట కొరకు బళ్ళారిలో 2 ఫిబ్రవరి 2008 న బసంతపంచమినాడు శ్రీ రామచంద్ర యోగాశ్రమము అను పేరున ఈ ధ్యాన కేంద్రము నిర్మించబడినది. ఈ ఆశ్రమము ప్రశాంతవాతావరణముతో నెహ్రు కాలొనీలోని గురుశాంతప్ప లేఔట్ లోను, రాయల్ సర్కిల్ బళ్ళారి నుండి 3 కి. మీ. దూరములో ఉన్నది.

​

ఈ ఆశ్రమములో ధ్యానతరగతులు ప్రతి

- మంగళ, గురు వారములు  సాయంకాలము 5. 30 గం. ల - 6. 30 గం. ల వరకు

- ఆదివారము  ఉదయము 8 గం. ల - 9 గం. ల వరకు సత్సంగము   జరుగును .

ధ్యాన కార్యక్రమము తదుపరి ఆధ్యాత్మిక తత్వ విచారణలు జరుగును .

 

ప్రతి సంవత్సరము, జులై రెండవ  శనివారము ఆదివారములలో సంస్థాపకుల దినాచరణమును జరుపబడును. ఈ రెండురోజులు ఉదయము మరియు సాయంకాల సమయములందు ధ్యానసత్సంగము మరియు ఆధ్యాత్మిక చింతనము జరుపబడును. ఈ రెండు దినములందు దేశములోని వివిధ  ప్రదేశములనుండి అభ్యాసులు పాల్గొనెదురు .

 

ఆధ్యాత్మిక జిజ్ఞాసులు వివరములు తెలుసుకొనుటకుగాను శ్రీ రామచంద్ర యోగాశ్రమము, బళ్ళారి ను సందర్శించవచ్చును. ప్రశిక్షకులు (ప్రిసెప్టర్) సహాయముతో ధ్యానమును ప్రారంభించి  ఆత్మోన్నతి మార్గములో ముందంజ వేయుటకుగాను, అందరు సోదర-సోదరీమణులను

శ్రీ రామచంద్ర యోగాశ్రమము హృదయపూర్వకముగా ఆహ్వానించుచున్నది. ఈ సదావకాశమును ఉపయోగించుకొనమని సమస్థ ప్రజలకు విజ్ఞప్తి చేయడమైనది.

 

విళాసము

శ్రీ రామచంద్ర యోగాశ్రమము ,

గురుశాంతప్ప లేఔట్,

నెహ్రు కాలనీ,

బళ్ళారి-583103(కర్నాటక )

​